بعت القصه..

موضوع: بعت القصه.. 03/06/10, 08:27 am

كنت ناويها تحب عليه ولا تسيبنى..
رحت بعيد ماسألتش فيه يبقى نسيتنى..
ح أعمل ايه فى غرامك فيه اللى مغلبنى..
سيبت ظنونى تلعب بيه وشك تاعبنى..

كنت ناويها ومستنى يكون بينا خصام..
ياما خاصمت وكنت بترجع تانى قوام..
ليه المره دى بقيت بتطول ف الايام..
قلبك فاضى ولا لقيت ف السكه غرام..

حدش قالك يوم ياحبيبى الغدر حرام..
خدت علاجى معاك ياطبيبى ونفسى أنام..

كنت حالفلى انك تحرمنى م الحنيه..
أول زعله تروح وتطوول عندك فيه..
ليه ماصبرتش واستعجلت عقابك ليا..
بعد ماكان الصلح بكلمه عملت قضيه..

كنت ناويها ومخبيها جوه ضميرك..
أنا ماغلطتش وأنت ماسيبتش فرصه أجيلك..
لو راح حبى من تفكيرك..
مستنيك ماعرفتش غيرك..
الا ان كنت حلفت عليها..
بعت القصه بكل مافيها..
والفرقه دى..كنت ناويها