آخر نسخة من العملاق Photoshop و بحجم خيالي

ياجماعه طب عرفونا ايه ده يعنى نوع اكل جديد ولا مطعم بيعلن افتتاحو ولا تى شرتات رجالى ولا الفيلم بتاع فريد شوقى يعنى مين العملاق ده افيدونا افادكم الله

وكمان المديره اللى كاتباه طب يعنى ايه تحرير الصور هيه كانت محتله لا سمح الله ولا ايه الموضوع يعنى مااحنا معاكم برضه على الحلوه والمره ولا انتوا يعنى ليكم ناس ناس لو عايزين زياده فى الاشتراكات ندفعبس كلوا يدوق يعنى وكل واخد ياخد حتهوبعدين ماتنسوش ان احنا رجاله يعنى الواحد مننا باتنين اعترضوا بقى على كلام ربنا

برضه يا فندم مافهمناش نتوكل على الله ونحمل ح ينفعنا ولا ده للمصورين والمبدعين بس واصحاب المنتديات والناس اللى هما يعنى شويه ايضاحواستفسار مش عايزين نكون تقال ونلح ونزعلكم مننا ينفع يعنى نتوكل على الله ونحمل ماينفعش قولى ماينفعش علشان عارفين ان وقت حضرتك من دهب ويابخت من زار وخفف مع ان كلمه بحجم خيالى دى واخر نسخه مخليه الواحد يحس انو ح يفوتوا نص عمره لو مالحقش وهبش منو هبشه واللى مانحبش وشوا النهارده بكره نحتاج لقفاه مين عارف مش يمكن يغلا ويشح فى السوق

والله ياحضره المديره لا الويندوزمستحمل ولا انا مستحمل افادك الله وكفى الله المؤمنين شر القتال واهو موجود فى المنتدى يعنى لو ربنا فتح علينا واحتجناله نرجع ناخد منو قنطارين خصوصا وشهر كريم على الابواب والصور مش مستحبه فى رمضان الا لو كانت صينيه رقاق ولا مكرونه فرن ولا حتى رومى ومحشى ارز بالخلطه الا على فكره هوه المنتدى مش ح يعمل مائده من موائد الرحمن ويلمنا يوم واحد حتى ولا الميزانيه لا تسمح احنا ممكن نلم من بعضينا يعنى او حتى كل واحد يجيب اكلو معاه