يهون عليك..

موضوع: يهون عليك.. 21/06/10, 08:35 pm

يهون عليك..
كل اللى بينا تركنو فوق الرفوف..
وجمال هوانا يدبلوا عناد الظروف..
يهون عليك..
قلبى اللى اللى حبك تهملوا ..قلبى العطوف..
وعذاب جفاك بستحملوا وتعالى شوف..
يهون عليك..
أحلى غرام تضيعوا ومن غير كسوف..
وحتى أسمى تغسلوا من الكفوف..

لو بس عندك فيه سبب كنت أعذرك..
والاقى لبعادك سبب وأتحملك..
لكن بيملانى العجب وبفكرك..
عمرك ماكنت بتحتجب من أولك..

أيه قدرك على قلب دايب فيك صبابه..
فاضل يغنى قصتك فوق الربابه..
يبعت حنانه يضللك زى السحابه..
وأنت خلاص بقيت ماتحتاجش لغلابه..

يهون عليك اشكيك لمواعيد الغرام..
ولا أشكى منك كل يوم بحروف كلام..
وأزاى بتقدر كل ليله تروح تنام..
بتجيب منين عيون تغمض والسلام..

أنا قولت للعشاق حكايتى ماصدقوش..
قالولى عنك ان قلبى ماحبتوش..
قالوا اللى يعشق قلب حد ماينساهوش..
قالولى أبعد..اللى زيو ماتعرفوش..

يهون عليك..
تكوينى بيك..
وأفضل كده..أبكى وشاريك