خلاص مابقتش صعبه

موضوع: خلاص مابقتش صعبه 28/06/10, 08:44 pm

خلاص مابقتش صعبه لما عرفت ابتديها..
رحله نسيان حبيبى..بأيديه وصلنى ليها..

كنت أسمع بيها أقشعر..وأخاف من غير مابشعر..
مجهول ماأتمناهوش..وحياه الحرمان ماليها..

دلوقتى عشت فيها..وماليش ولا حيله فيها..
حبيبى ونور عينيه..حكم عليه بيها..

بعد ماضحيت عشانه..وشربت كتير هوانه..
دلوقتى بيكافئنى..انى أجرب نسيانه..

وبيبعد فيا غصب..مع ان فراقه صعب..
ومصر عشان عارفنى مااقدرش أخالفله أمر..

مش مستكفى بحرمانى..ولا ان يروح ينسانى..
لاء لازم يتحدانى..ويوصلنى لنسيانى..

وبحاول ابتديها..ماخلاص مشانى فيها..
يمكن اقدر عليها..يمكن نهايتى فيها..

رحله نسيان حبيبى..آدينى بابتديها..
خلاص مابقتش صعبه..ايه قلب ينظلم

خلاص مابقتش صعبه..ايه جرح يسيب ألم..
ايه عمر ينحرم..ايه حب ..ايه ندم..
احاسيس وشعور يموت..ظلم ويأس وجحود..
كلو لراحه حبيبى..يمحينى م الوجود