عايز ايه..

موضوع: عايز ايه.. 03/07/10, 11:23 am

عايز ايه اكتر م الحب..
لما يكون بالروح والقلب..
لما ح اقول اديلك اكتر يبقى دا وعد خيالى وصعب..

انا حبيتك قد مابقدر..
ولا فيش مطرح جوه القلب..
يتحمل ولا نقطه زياده..حبك مالى كل القلب..

عايز اكتر من كده ايه.. خليت كل حياتى الحب..
والقلب اللى انا شيلتك فيه.. بقى علشانك اكبر قلب..
شايل كل غرامك فيه..عايز ايه اكتر م الحب..

قلب بيقدر على احلامك..
مافيهوش غير انت وغرامك..
واضح اوى وصريح قدامك..عايش على صوتك وكلامك..

يعرف ايه غير انو يحبك..
ويعيش احلى ليالى ف حبك..
تعرف انى ساعات وانا جنبك..
بتمنى ادخل وافتح قلبك..
واشوف نفسى جميله بقربك..
واتهنى بأحساسى بحبك..

بأحسد نفسى بنفسى عليك..
لما بفكر وأسرح فيك..
بقى قلبك كده ليا لوحدى..
مش حاسه ان معايا شريك..

فى ايه تانى اكتر م الحب..
ممكن يتشال جوه القلب..
أنت ف عينى وقلبى وروحى وف كل مشاعر بتحب

موضوع: رد: عايز ايه.. 03/07/10, 01:33 pm

انا عضوه جديد ويسعدنى انى ارد على حضرتك
بصراحه كلام رائع وجميل وكله احساس تسلم ايدك

موضوع: رد: عايز ايه.. 04/07/10, 09:25 am

اهلا بيكى توته 2010 مرتين الاولى على عضويتك معانا والتانيه على تشريفك لموضوعى نورتى ويارب تسعدك الاقامه هنا

» افرح لو عايز تشل البنات
» عايز تتعرف ببنت
» ح ابقى زى ماانت عايز
» عايز تنساها..اليك الحل
» ابليس عايز يسيب مصر ويمشي