حبيت أقولك

موضوع: حبيت أقولك 04/07/10, 02:05 pm

لو كان يهمك..أنا ماشيه بكره..
حبيت أقولك..وأديلك فكره..
يكون ف بالك حاجات تقولها..
أوقبل ماأمشى..تفتكرها..

يمكن تقوللى هتوحشينى..
يمكن تقول..أوعى تسيبينى..
لو بعدتى..تموتينى
يمكن تقول..كلمه تراضينى..

أنا ماشيه بكره..ومتخافش فاكره..
لو أنت تكره.. ماأعرفش أكره..
ولا يوم ح تبقى ..جوايا ذكرى..
لو مش سامعنى.. تعالى وأقرا..
لو كان يهمك..أنا ماشيه بكره..

وبقولك انى ح أمشى.. يمكن ناسى الكلام..
يمكن لحد بكره.. يصحى فيك الغرام..
وتلاقى عطف قلبك.. من بين وسط الزحام..
ولحد ماييجى بكره.. تلاقى عندك كلام..

وأنت لوحدك بعدى ..شكل الدنيا ايه..
لما أنا حبعد وأمشى.. أنت حتعمل ايه..
مين الحضن الحنين..اللى تميل عليه..
ولا الايد اللى تمسح..تعبك وتحس بيه..
وحتى لما تغضب..مين تتعصب عليه..
فكرت بعد ماأمشى.. قلبك ح تقوله ايه..
واللى ح يسأل عليه.. حترد عليه بأيه..

حتقول راحت وجايه.. ولا خلاص ودعتنى..
يومين وراجعه ليا..ولا تعبت.. سابتنى..
دا اللى بيخلينى اقولك.. ماشيه بكره..
لو كان يهمك..بديلك فكره..
بس اوعى تنسى ..مااعرفش اكره..
و انت شاطر..أكيد حتنسى بعد بكره