قال النبي صلى الله عليه وسلم ( من قام ليلة القدر إيمانا واحتسابا غفر له ما تقدم من ذنبه )
ليله بألف شهر.. خير وكأنهُ نهر.. للى يبات بيصلى ويركع حسنات قد الدهر.. يسجد قبل الفجر مايطلع وتكون ليلة القدر.. ياهناه بالغفران.. ونعيم الرحمن.. لو مكتوبله السعد فى ليله من آخر رمضان.. ليله مباركه وزادت بركه بنزول القرآن.. واللى بيتمناها.. لازم يستناها.. بين طاعه وإيمان..
يوم حاجه وعشرين..صاحب تقوى ودين.. ح ينول عفو وخير وشفاعه.. والمغفره على حسن الطاعه..
أستناها يامسلم.. وأتمناها يامؤمن.. وفى يوم شمسو صافيه ودافيه وملهاش أى شعاع.. ح تكون ليلتو ناديه وهاديه لاغيامه ولا رياح..
ربنا بيقًسم فيها.. للدنيا واللى عليها..
ربك بيقًدًر ويفصًل اللى ح يجرى طول العام.. ويشرًع كل اللى ح يحصل أرضى بقدروا ياإنسان..
وملايكه بتنزل تشهد.. مين مضرًع وبيسأل.. أسعد حد فى خلق الله.. اللى تكون السما سمعاه.. واللى المولى جل علاه.. يغفرلوا بعفوه ورضاه.. وتكون ليله القدر معاه..
ليله بألف شهر.. خيرها كأنهُ نهر.. رضا وسماح وسلام وملايكه .. حتى طلوع الفجر.. ربنا يسترنا فى حياتنا.. يسترنا ويستر أمتنا.. ف الدنيا وف يوم العرض ..
في حديث السيده عائشه رضى الله عنها أنها قالت يا رسول الله أرأيت إن وافقت ليلة القدر ما أقول فيها قال (قولي اللهم أنك عفو تحب العفو فاعف عني)
موضوع: ليلة القدر 
06/09/10, 03:11 pm
