عتاب الحبايب

موضوع: عتاب الحبايب 24/09/10, 05:33 pm

هى.....
وحياة غرامنا واللى بينًا من سنين..
جوايا منك ياحبيبى كلمتين..
لو أدارى عنك هشتكى منك لمين..
بتمنى أعاتبك ع الفراق وع الحنين..
.........
هو.....
إنتى ليه دايماً تعاتبى لمّا أضمك جوه حضنى..
يبقى أحلى لما تنسى كل حاجه وإنتى جنبى..
العتاب يستنى بكره ولا بعدوا لو تحبى..
يعنى يمكن لو صبرتى متلاقيش سبب تعاتبى..
..........
هى.....
نفسى أحس إنك حاببنى..
مش بايعنى أو سايبنى..
أصل لما تكون ف حضنى..
ببقى واضحه ومش بخبى..
...............
هو.....
أنا بقولك بعشقك قدام عينيكى..
أجمل دقايق عمرنا وانا منى ليكى..
لما نكون مع بعضنا وإيدى ف إيديكى..
حرام نضيّع وقتنا محايله فيكى..
.......
هى.....
بتكون عشانى مش معايا حد فيك..
وبفّضى قلبى من غرامه وهمو ليك..
واسمع ردودك من عينيك..
ولا عمرى يوم ح أشك فيك..
..............
هو.....
ولا عمرى يوم قسيت عليكى..
أنا إمتى مش بحس بيكى..
يمكن ساعات بتكون ظروف..
لكن بصالحك م الكسوف..
..........
هى.....
خوفى عليك إدانى حق..
لهفه وغرام مش يعنى شك..
أتمنى قربك كل ثانيه..
مجنونه بيك لكن انت لاء..
...........
هو.....
مصدقك وبحس بيكى..
بترجم النظره ف عينيكى..
وأقراكى من لمسة إيديكى..
ولا تبقى دنيا إلا بيكى..
.............
هى.....
سامحنى حرمت وخلاص..
.......
هو.....
سامحينى ياأجمل إحساس