حبيبته الوحيده

موضوع: حبيبته الوحيده 30/09/10, 08:24 am

حبيبته الوحيده..
مهما يبعد.. مهما يعند..
مهما حتى بيخاصمنى بره قلبه..
ولا حتى يتهمنى مش بحبه..
اى موقف من مشاكلنا البسيطه..
كنت بعرف..حتى لما بكون بعيده..
إنى عمروا ونور حياته..
وانى حبيبته الوحيده..

لما يبعد نفسوا عنى..
ولا ينسى ينام ف حضنى..
ببقى عارفه لوحدى إنى..
غصب عنو يكون فاكرنى..
مهما بيحاول يدارى..
عارفه إنى حبى غالى..
من عمايلوا الاكيده..
حتى لما بكون بعيده..
إنى عمروا ونور حياته..
وانى حبيبته الوحيده..

مش بصدق.. حتى يلحق.. مره ينسانى بخياله..
ينسى حبى ..ولا قلبى.. ولا إحساسى وجماله..
مش ح يقدر.. حبى اكتر.. قلبى مايسيبهوش ف حاله..
لو ح يغضب..بكره يتعب.. كلمتين يرجع لداره..
رغم افكاره العنيده..
كنت بعرف..حتى لما بكون بعيده..
إنى عمروا ونور حياته..
وانى حبيبته الوحيده..

قلبى بس معاه بيعرف الحنان..
حضنى بس معاه بيشعر بالامان..
لو يغيّر المكان..
يوم وبيحن لزمان..
أنا اللى بعرف أحتويه..
أضمه وبطبطب عليه..
بعرف اقراه واحس بيه..
وأفهم الطبع اللى فيه..
حتى مع غيرتوا الشديده..
اللى بيها بكون سعيده..
لإنى بعرف..
إنى عمروا ونور حياته..
وانى حبيبته الوحيده

» رسالة لاعب كورة قدم الى حبيبته
» تحميل كليب منى امارشا يايمه حبيبته