حبيبك القديم

موضوع: حبيبك القديم 15/10/10, 08:16 am

بتقولى مين..
مش عارفه مين..
أنا حبيبك القديم..
وحشانى والله العظيم..
وحدانى من غيرك يتيم..

صعبه أوى من غيرك..
فاضيه ومابشوفش غيرك..
نفسى أتجرأ وأجيلك..

ياغاليه زى الروح..
بعدك فين اروح..
هجرك مالينى جروح..

ماتسيبينى أحب فيكى..
قلبى لسه مشتريكى..
ليل نهار ح يموت عليكى..

حواليه كتير مش شايف حد فيهم..
بتغمض عينيه.. لما تمشى وتسيبيهم..
حرمانى من قربك حرمان من الحياه..
ولا حد من بعدك.. برتاح ابدا معاه..

مافيهاش جديد الدنيا من غير ابتسامتك..
ارجوكى تعالى راضى بسكوتك وصمتك..
ماتوسعيش الفجوه بين قلبين حبايب..
واحد حجر.. والتانى فيا تاب ودايب..

وبعتذر عن اى حرف قاسى قولته..
عن كل شىء زعلك منى عملته..
سامحينى قلبى خلاص تعب من طول بعادك..
بتوحشينى ومش واصلنى غير سكاتك..

افتكرى يوم كان بينا حلو واغفريلى..
او اى ذكرى كانت لما كنتى بترتاحيلى..
مابقتش لاقى نفسى بعد خصام دليلى..
كانت تضيق الدنيا بيا تحضنينى..

ماحصلش منى ذنب ممكن تكرهينى..
كل اللى فاكره بس كنتى بتعشقينى..

غيرتى ليه الحنيه هجر وطول غياب..
قلبك ماكنشى ف يوم بيقدر ع العذاب..
وان كنتى عايزه تتعبينى..قلبى تاب..
ان كنتى عايزه تعذبينى..شعرى شاب..
ولسه حبك صدقينى..اجمل عذاب..

خلاص كده اتعلمت حبك..
خلاص بقا خدينى جنبك..
ارضيكى ليه لو مش بحبك..
خلاص حرام صفيلى قلبك..

أنا حبيبك القديم..
وحدانى من غيرك يتيم

» اغنية جرحى القديم محمد منير سيمبل
» هل تتنازل عن حبيبك
» اغنية حبيبة حبيبك محمد رحيم
» تحمبل اغنية عد حبيبك لصابر الرباعى
» حماده هلال واغنية مبقاش حبيبك Vocal