ورقه فاضيه

موضوع: ورقه فاضيه 21/10/10, 08:31 am

يعنى راضيه.. يجينى منك..ورقه فاضيه..
كنت ح اسكت مش ح الوم لو كنتى ماضيه ..

يمكن شعور بالذنب إنى علمتك غرامى..
إنتى اشتهيتى الحب منى ومن كلامى..
ياما كان فى نفسك تظهرى مره ف منامى..

دلوقتى باعته ورقه فاضيه جوه ظرف..
تكونى فاكره سطور كلامك ليا عطف..
كانت رسايلك كل ليله.. مش ميه.. ألف..

مستكتره تعرفينى إن انتى دايبه..
مستخصره تحسسينى إن انتى عاشقه..
عندك شعور بالذنب..
إنك هويتى الحب..

مافيش حل ممكن..
دا أصعب مايمكن..
أقول مش بحبك..وبعدك لايمكن..

نسيانى شىء خيال..والبعد شىء محال..
اللى يعرف زى قلبى.. عاشق للجمال..

الورقه فاضيه بس فيها ريحتك وعطرك ..
نسيتى قبل ماتبعتيها تغطى جلدك..

الورقه فاضيه بس بيضا زى قلبك..
كل ماتروح عينى ليها تقول بحبك..

باعته إحساسك فى ظرف بختم صمتك..
يقول بحبك.. ولا عايزه يقول ظلمتك..

ولا قصدك أملهالك من غرامى حرف حرف..
واحط أشواقى وسلامى ويا قلبى فى نفس الظرف

» هات معاك ورقه وقلم
» تحميل فيلم ورقه شفره جوده عاليه