بغفرلك بالحب واسامح بالحنيه

اغفرلك بالحب..واسامح بالحنيه..
كل ذنوب العالم واكتر منها شويه..
اللى يحب بجد بجد مالوش ف آسيه..
كنت بخاصمك علشان اجرب صلحك ليا..

قد مااكون غضبان وأصمم ح أنسى خلاص..
قد ماافتش واجرى ادورنفسى اشوفك وسط الناس..
بعدك بُعد حلاوة الدنيا والاحساس..
آما وجودك كل الغالى والاخلاص..

اغفرلك بالحب كتير..
واسامح من غير تفكير..
لحظه قرب لحضنك واحده..
تعمل جوه الروح تأثير..
وتخلى الاحزان والوحده..
فى ثوانى م القلب تطير..

هوه دا حبك واللى أنا فيه..
والامل اللى انا عايش بيه..
واللى بيحلف قلبى عليه..
يرجع يغفر ويعديه..

الحب يطيّب فى جروح..
ويسكّت فى ألآم الروح..
مهما القلب يكون مجروح..
من حبة حنيه يروح..

انا بالحب بسامح وعلى الحب بعيش..
واغفرلك وانسالك بس ماتجرحنيش