..من زمان..

موضوع: ..من زمان.. 08/11/10, 05:19 pm

كلك حبيبى تخصنى..
أصغر مافيك بيهمنى..
إزاى أعاتبك.. أو احاسبك.. أو ألومك..
انا حته منك زى جلدك بتدارينى معاك هدومك..
زى الغطا اللى يدفى جسمك ف الليالى وقت نومك..
والمخده.. اللى تسند بيها راسك.. وتفرغ همومك..
تؤامك.. وبحس بيك..
وافهمك.. واعرف مافيك..
من كلامك أعرف اللى بتداريه..
حس صوتك يكشف انت مخبى ايه..
وف وجودك يبقى ناقص تانى ايه..
غير ملايكه ياخدوا قلبى يطيروا بيه..
كلك كدا بتخصنى..
أصغر مافيك بيهمنى..
وعمروا مايكون امتلاك..
أنا بعشقك..واعشق هواك..
حقى عليك أكون معاك..
أنا الحنان..وانت الأمان..
دااحنا حبايب..من زمان..

فى إيه فى عمرك مااعرفوش..
حتى اللى انت ماقلتهوش..
مش ح اسألك..مايهمنيش..
انا ليا لما بقيت تعيش..
من يوم ماروحك سكنتنى..
بغرام جميل بيموتنى..
لكن باقول انت حيتنى..
من يوم ماجتنى وحبتنى..
بعشق فى حبك إخلاصى..
وبقيت أسيره لإحساسى..
عجبانى روحى وهيه معاك..
تعبانى لما بتستناك..
اجمل مافيا عشقت هواك..
حقى عليك أكون معاك..
أنا الحنان.. وانت الامان..
دااحنا حبايب.. ومن زمان

» فله- كان زمان
» اهلا ومرحبا
» الفرق بين الناس زمان والآن
» تحميل اغنيه كان زمان محمد عبده
» كليب مريم فخرى وحشتنى ليالى زمان