قربت اتغر..بقلمى..(صابر)

موضوع: قربت اتغر..بقلمى..(صابر) 03/12/10, 08:59 am

قربت اتغر واشوف نفسى غير كل الناس..
واستكتر حبك على نفسى واجمل إحساس..
والله بخاف احسد نفسى وتعبت خلاص..
قربت اتغر عشان حبك اغلى من الماس..

وبشوف الدنيا غير الدنيا من يوم حبك..
ومابين الثانيه والتانيه حنان من قلبك..
ماعرفتش ايه يعنى احبك غير وانا وياك..
و لا كنت اعرف قبل مااحبك ايه معنى هواك..

وازاى الفرحه تكون لاتنين..
عايشين مع بعض ومش حاسيين..
الوقت ساعات..الوقت سنين..
متهنيين.....نحسبها لمين..

دا مافيش ف العالم ولا مخلوق..
جرب حنيه وجرب شوق..
زى اللى بدوقه انا و قلبى..
من نظرة عين مااعرفش افوق..

قربت اتغر واحس انى غير الباقيين..
حبك خلانى مع ملايكه مش بنى آدميين..
لو كنت صحيح زى الباقى تعرفنى منين..
انا لما بفكر مش بقدر اشوف التانيين..
وتعبت ادور مش لاقى زينا عاشقين..

وتعالى اوصفلك حبك إيه..
برضا وحنيه وعطف ماليه..
وبيعمل فيا وغيّر إيه..
ف كل جمال حواليه ماليه..
ودا غير اللى انا مااقدرش احكيه..

وآمان قلبك لما بيوعد..
وحنان حبك لما بيسعد..
انا عن حضنك مااقدرش ابعد..
لاء بعد الشر....قربت اتغر..

» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)