بقالنا كتير..بقلمى(صابر)

موضوع: بقالنا كتير..بقلمى(صابر) 08/03/11, 10:27 am

بقالنا كتير انا وانت بنعرف بعض..
هويت قربك انا وانت هويت البعد..
تلف تغيب بعيد عنى لآخر أرض.
تروح وتسيب حاجات منى هناك ف البعد..
وترجع مش فاكر حاجه..
لدنيتنا اللى محتاجه..شويه ود..
كأنك قبل ماتمشى ماسيبتش حد..
ولا كان لك حبيب دايب وحبك جد..
وطول عمرك اقربلك تموت ف البعد..
كأن الحب ساب قلبك ودا كان شرط..
تعذبنى..وتسيبنى لاشوق ولا وعد..
بقالنا كتير..

تعبت اشكى بحرمانى..
كأنى بقول تغيب تانى..
وآخرك شهر والتانى..
فى يوم اصحى بحس وداع..
وكام بصه وتانى ضياع..
نعود للقصه مين بيحب..مين راح باع..
مافيش فايده اعاتب فيك..
مادام بحتاج ومش بلاقيك..
ومركب رحلتك دايماً يكون واقف ومستنيك..

بقالنا كتير فى شوق عمروا مايوم ارتاح..
نقول بكره وبكره كتير جانا وراح..
وفرقتنا مازدش عليها إلا جراح..
وإمتى تيجى من عَندك.
تريح قلبى من عِندك..
مابرتاحشى انا بعدك ..
مافيش الراحه غير جنبك..
بقالنا كتير

» بقالنا كتير
» ليه انا..بقلمى(صابر)
» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)