انت ده..بقلمى(صابر)

موضوع: انت ده..بقلمى(صابر) 06/07/12, 02:37 pm

انت ده

عارف لما تكون كده وحدك وسط الضلمه..
وحاسس انك منتاش وحدك ومعاك لمه..
وحد ف دمك ..مطمنله ومطمنلك..
لو تحتاجله اوام تفتكره يحس بهمك..
تسند راسه وانت تقوله وهوه يقولك..
تسمع همسه لو تهمسله وتاخده ف حضنك..
نبرات حسه تنسيك اسمك..
نغمة صوته تسكت حسك..
وانت تحسه..وهوه يحسك..
ترتاح جنبه وتسيب نفسك..
لما بيضحك.. تسمع اسمك..
لمسة ايده تقشعر جسمك..
وتلخبط ف كيانك رسمك..
انت ده..
انت بتعمل كل ده..
لاء واكتر من كده..
انت ده..

بحر حنيه ف رضاك..
دمع ف عينيا بآساك..
عمر حبى..
دق قلبى..
كل حلو ف دنيتى..
انت اجمل شىء ف عمرى..
انت نارى و جنتى..
بس غضبك..
قسى قلبك..
وانت راحتى وشكوتى..

انت ده..
طفلى المدلل..
تغلط ابرر..
بعشق اسامحك..
متعه انسى جرحك..
كل كارثه..
تعمل وانا انسى..
وسقطتك ملهاش حساب..
ولثورتك مليون حساب..

انت ده..
اللى تلومنى نظرة عينه..
واللى حرمنى فرح سنينه..
والعشق اللى ما بينى وبينه..
انت ده المظلوم معايا وقلبى عاجز يبقى اكبر..
نفسى يستحمل هوايا وانا نفسى احبه اكتر..
انت ده المطبوع ف صدرى..
وتحت جلدى ..
وبين مسامى..
واسمه بيلخبط كيانى..
وسيرته فرحى وابتسامى..
وكل ساعه يغيب عليا..
مش بكون ف الدنيا ديه..
وابقى خيال صورة انسان..
سابه الفرح بقاله زمان..
لما بتبعد اى مكان..
تقف الارض عن الدوران..
انت ده

» كله منك..بقلمى(صابر)
» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)