ح افضل وراه..بقلمى(صابر)

موضوع: ح افضل وراه..بقلمى(صابر) 23/03/11, 05:53 pm

انا حاسه بيه مليان كلام..
شايفه ف عينيه إحساس غرام..
نفسه يتكلم حرام..
وانا نفسى اطمن قوام ..
ح افضل وراه..
واستنى للاخر معاه..
واعرف حكايته واهتمامه..
ويهمنى اسمع كلامه..
واحكم عليه..
ساعتها اقول احساسى بيه..
واترجم اللغز اللى فيه..
ح افضل وراه..

لو قلبه فاضى.. وهوه عادى.. شاغلنى ليه..
مايسيب حياتى.. وبالتراضى.. ح يحصل ايه..
إحساسى مابيكدبش ابداً يوم عليا..
بيقوللى إنه مُصر جداً يبقى ليا..
ح اصبر واشوف..
وح اساعده ويبطل كسوف..
ح افضل وراه..

بيقول حاجات عنى وعليا..
تنطق تقول مهتم بيا..
بس الاكيد.. لسه المفيد..
فاضل شويه..
ح افضل وراه.. وانكش ف قلبه بكل عقل..
وح اكون معاه.. هاديه ورزينه وكلى تقل..
واطلّع اللى ف قلبه واعرف نيته..
واشوف حكايته وايه نهاية سكته..
وإيه ف قلبه وناوى إيه..
واترجم اللغز اللى فيه..
ح افضل وراه

» كل يوم..بقلمى(صابر)
» كان من حقك..بقلمى(صابر)
» لو كنت زيك..بقلمى(صابر)
» من بره بس..بقلمى(صابر)
» ليه انا..بقلمى(صابر)