فيا حاجات اتغيرت.. واتبدلت.. واتلونت.. دموع عينيه نورت.. لما حياتى ضلمت.. لما اهاتى اتألمت.. واتكلمت.. فيا حاجات اتغيرت.. لسا انا.. من بره بس.. خيال ملامحى و شكل وش.. انسان بيتحرك وبس.. من غير شعور ولا روح تحس.. بيخاف اوى يطلعله حس.. تعبان قوى ومن جوه هش.. كل اللى فيه من بره بس.. من بره بس..
لا لون ولا طعم اشتهيه.. ولا جمال فكرت فيه.. كل اللى جوايا اختلف.. مافضلش حاجه تتعرف.. ولا فيا شكل يتوصف.. كل الجمال منى اتخطف.. لما لقاك بقا بالصدف.. من بره بس بتعرف.. كل اللى جوايا اختلف..
لاقلب عارف بيك يحس.. ولا ليا صوت ولا فيا حس.. كل اللى فيا ضاع وداب.. مفضلش ليا غير عذاب.. معرفش نفسى ف المرايه.. اول محسك مش معايا..
ييجى عليا الليل تقيد الضلمه نار.. تفضل دموعى شموع ويطفيها النهار.. حاجات كتيره اتغيرت.. واتبدلت.. لما الزمان فى الحلم غش.. وهجرت حضنى احلى عش.. لسا انا.. من بره بس
موضوع: من بره بس..بقلمى(صابر) 
04/08/12, 01:15 pm
