اسوأ مايمكن..بقلمى(صابر)

موضوع: اسوأ مايمكن..بقلمى(صابر) 04/05/11, 09:24 am

اسوأ مايمكن

أسوأ مايمكن.. تنجرح من غالى..
أسوأ مايمكن.. تنجرح وتدارى..
اسأل مايمكن.. السؤال بيداوى..
دا الجرح يألم ..لو تقول وانا مالى..

لو ليا غلطه..سكت ليه قولهالى.
يمكن ظالمنى.. بشىء ماجاش على بالى..
يمكن ويمكن.. ليا عذر ياغالى..
أسوأ مايمكن.. اتظلم ف آمالى..
والجرح ينزف.. لو تكون مش دارى..
وازاى ح اقولك.. إلا وانت قبالى..

حقك تلومنى.. لما اكون غلطان
لو مش بحبك.. من قديم وزمان..
لو دوقت منى.. غدر او نسيان
او شفت مره.. هجر او حرمان..

حقك تخاصم ..تزعل تسافر..
حقك تعاتب.. حقك تحاسب..
بس انت عارف.. قلبى خالى آسيه..
ولا انت يعنى.. خلاص حلفت عليا..
أسوأ مايمكن.. يسكن مابينّا عذاب..
وتنسى وانسى.. إننا احباب..

ماتسيبش نفسك للغضب ..
وفراق يكون من غير سبب..
أسوأ مايمكن.. النهايه تكون وداع..
والغالى كله.. يكون مصيره ضياع
أسوأ مايمكن.. لو حبيبك باع

» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)