انت آسف..بقلمى(صابر)

موضوع: انت آسف..بقلمى(صابر) 20/05/11, 09:09 pm

انت آسف..بعد إيه..
موتنى..
وجاى تقوللى.. إنك آسف..

انت عارف.. قد إيه..
جرحتنى..
مصيبه لو ماتكونش عارف..

اعمل إيه انا بالاسف..اعمل ايه بالإعتذار..
بعد جرحك.. للاسف..كل شىء جوايا نار..
بعد قلبى اللى إنكسر..وطعم ايامى المرار..
اعمل ايه بالإعتذار..

مش ح تعرف.. تمحى من روحى الألم..
مش ح تقدر.. ترضى إحساس اتظلم..
كل حلو.. عاش مابينّا اتحذف..
مش ح يرجع.. تانى عمرى بالاسف..

كنت كلك.. جوه روحى.. فرحتى.. وبلسم حياتى..
مهما اقولك ..عن جروحى.. بالعتاب.. حتزيد آهاتى..
ايه الآسف.. وانا مش معاك..
كان وجودك.. إحتياج..
واعتذارك.. عن آساك..
صعب يبقى.. دا العلاج..

اعمل ايه.. ف عيون بتبكى..
اعمل ايه.. فى دموع بتشكى..
اعمل ايه.. من غير هواك..

آخرك آسف ..علشان عارف..ضعفى قصاد الكلمه الحلوه..
وارجع تانى.. اعيش حرمانى.. لا ياحبيبى.. دى اخر مره..
انا حرمت.. واتعلمت..اقولك لاء ..وبقيت حره..
انت انانى.. روح وانسانى.. سيبلى حياتى.. اطلع بره

» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)