زى الورد..بقلمى(صابر)

زى الورد


اللى يحب مصر يزرع فيها ورده




كان بينا حب.. زى الورد واجمل..

كان ليا حب..كل يوم بيكبر..

كان زى روحى.. واغلى منها واكتر..

كان حته منى.. قد الدنيا واكبر..

يزعل اصالحه.. قوام من غير ماافكر..

لا يوم فارقته.. ولا كنت اقدر..

ياما كان ف نفسى..افضل جنبه اطول..

يفضل حبيبى..واللى بينا يكمل..

واكمنه ورد..زى الورد يدبل..

راح من ايديه..

وساب لى ذكرى تفضل..

تسأل عليا لما مش بتسال..

وتقوللى حبك..

زى الورد واجمل..



كان زى ورده ف رقته..

وارق منها بضحكته..

كان احلى عطر ببسمته..

وربيع جميل بدنيته..

عبيريهفهف..

ونسمه ألطف..

زى الملايكه فى طلته..

خلانى احبه بس ليه..

ماجرحش زى الورد ليه..

استنى لما دوبت فيه..

من غير ماشوف الشوك عليه..

وسابنى لما دوبت شوق..

زى النجوم لقيته فوق..

واكمنه ورد..زى الورد يدبل..

راح من ايديه..

وساب لى ذكرى تفضل..

تسأل عليا لما مش بتسأل..

وتقوللى حبك..

زى الورد واجمل..



الورد يدبل لو هملته..

وانا بحياتى وقلبى صنته..

كل ثانيه افتكرته..

كنت بنسى ان انت خنته..

وانسى كل اللى عملته..

بس زى الورد وقتوا كان صغير..

ريحتوا حلوه بس عمروا كان قصير..

اثّر فيا.. بس اتغير..

كل مافيا.. بعدوا اتحير..

اكمنه ورد..زى الورد يدبل..

راح من ايديه..

وسابلى ذكرى تفضل..

تسال عليا لما مش بتسأل..

وتقوللى حبك..زى الورد واجمل