بعيش جواك..بقلمى(صابر)

موضوع: بعيش جواك..بقلمى(صابر) 06/05/12, 12:39 pm

بعيش جواك

تبعد.. تفضل.. تستنى.. تروح..
انا قلبى معاك مطرح مطروح..
تعند.. تغضب.. تتغير..
انا عاشقه ومش بتغير..
وهواك ساكن ف الروح..
قلبك بيتى ومكانى..
وكتبت عليك عنوانى..
وح اقضى العمر معاك..
عاشقاك..
وبعيش جواك..
انا مش جنبك.. ولاطيف حواليك..
عايشه ف قلبك.. وف ضى عينيك..
طول مابحبك.. واتشوق ليك..
على طول وياك..وبعيش جواك..
كل ماح تبص ف اى مكان ح تشوفنى معاك..
وفى ارض ف سما ولا فى بستان على طول شيفاك..
وح اكون حواليك ..وغرامى ماليك..
وف كل مكان.. فيه احساس فيك..
تلاقينى معاك لما تفكر..
وح اكون شغلاك وقت ماتسهر..
لو نمت الليل تحلم بيا..
واول مابتصحى على عينيا..
وبكون شيفاك..
ولاحدش ف الدنيا يحبك..
ولايقدر يتحمل قلبك..
ويكون جنبك كل دقيقه..
ويعيش جواك..
مين غيرى بيفهم حركاتك..
وبسرعه يترجم اشاراتك..
وبيعرف طبعك وحياتك..
وبيستناك..
كل الاسرار بتقولهاله..
ومعاك احلامه واماله..
من اخر الدنيا بعتهاله..
ويتمنى رضاك..
انا صوت الضحكه اما بتضحك..
انا ريحة الورد اللى ف ريحتك..
انا بس الحبوبه بتاعتك..
وعرفت العشق اما عرفتك..
وبقيت بهواك..
ومكانى ف قلبك وعيونك..
انا ويا الدم ف شرايينك..
والحب اللى بيملا سنينك...
ويعيش جواك..
جرب كده تبعد لو لحظه..
مهما ح تبعد انا مش باعده..
لو نار او جنه معاك قعده..
ودايما وياك..
انا بتنفس هوا من صدرك ..
والراحه بتاعتى مابين حضنك..
وبقيت قدرى وبقيت قدرك..
ياارق ملاك..
قلبك بيتى ومكانى..
وكتبت عليك عنوانى..
عاشقاك..
وبعيش جواك

» كان من حقك..بقلمى(صابر)
» انت ده..بقلمى(صابر)
» كله منك..بقلمى(صابر)
» قلب مين..بقلمى(صابر)
» ليه انا..بقلمى(صابر)