حسه بتغير معاك..بقلمى(صابر)

موضوع: حسه بتغير معاك..بقلمى(صابر) 06/06/12, 03:01 pm

حسه بتغير معاك

حسه بتغير معاك..بقلمى(صابر) 100zz

بتغير معاك..
غيرنى هواك..
اتسلل لعمرى..
واتحكم ف امرى..
وخد منى روحى..
حببنى ف جروحى..
بتعذب وراضيه..
بعد ماكنت فاضيه..
بتغير معاك..

كنت ورده هاديه..
ماشيه حياتى عاديه..
غيرنى هواك..

كان لقلبى الف باب..
ميت سؤال ولافيش جواب..
جيتلى ليه بعد الغياب..
قلبى مش حمل العذاب..
نار بتحرقنى بهواك..
حسه بتغير معاك..

وانت متسلل لحضنى..
ضعفى ليك عمال ياخدنى..
احتياجى اليك تاعبنى..
ببكى وضميرى يعاتبنى..
نفسى اقولك روح وسيبنى..
بس شوقى ليك غالبنى..
بتحرق من نار هواك..
حسه بتغير معاك..

تفتكر لو عقلى قلب يقوللى ايه..
كان يسيبك ثانيه واحده تغيب عليه..
مستحيل يقدر يقاوم اللى بيه..
اصل عنده هواك دا عالم باللى فيه..

تفتكر لو قلبى عاقل يعمل ايه..
كان يقولك سيبلى عمرى اتهنى بيه..
شد سهمك من حياتى..
انت ليه دايما قصادى..
نفسى اهرب واستخبى..
واختلى مع نفسى حبه..

محتاجاك لحظة صراحه..
نفسى اشوف لحياتى راحه..
واقدر اسكت ف الاحساس..
وابعد قلبى عليك وخلاص..
يمكن اواجهك من غير خوف..
واكتم احساسى الملهوف..

انا تعبانه..
تعبنى هواك..
حسه بتغير معاك..
مش طبيعتى..
ومش طريقتى..
اهرب م العالم والقاك..
سيبلى حياتى..
وقلبى الراضى..
سيبنى اتعلم انى انساك..

انت تاعبنى..
ارجوك خدنى..
اوعى تسيبنى..
قلبى يموت لو سيبت هواك..
نفسى اتغير معاك

» قلبى معاك..بقلمى(صابر)
» ياخسارة ايامى معاك..بقلمى(صابر)
» كله منك..بقلمى(صابر)
» ليه انا..بقلمى(صابر)
» قلب مين..بقلمى(صابر)