قلبى معاك..بقلمى(صابر)

موضوع: قلبى معاك..بقلمى(صابر) 16/04/11, 07:27 pm

عايشه بقلبى معاك ..

انت هنا.. او مش هنا..قلبى معاك..
متفرقين.. او بقينا لبعضنا..ف الروح هواك..
وانا مش بحتاج.. تبقى معايا.. او تبقى هناك..
وتكون جنبى.. او مش جنبى..
ويايا.. او مش وياك..
عايشه بحبى.. وكل مافيا اسير لهواك..
حتى إن غبت ياروحى عليه..
بتكون جنبى كل شويه..
علشان عايشه بقلبى معاك..

اجمل شىء ف الدنيا لقاك..
والايام اللى ابقى معاك..
حتى إن كنت ساعات من غيرك..
تبقى معايا ومش بنساك..
مابيقدرش القلب يفكر إلا ف حبك..
ولا بتمنى وبحتاج اكتر من يوم جنبك..
كل ما طال بُعدك بستنى..
لمّا الدنيا تجمع بينّا..
كل الشوق يرتاح بلقاك..
وينسينى آلامى هواك..
وتكون جنبى..او مش جنبى..
عايشه بروحى وقلبى معاك..

حلو اشوفك واتأمل ف جمال اوصافك..
حَبَك قلبى بإحساسه ولا عمروش شافك..
مش محتاج القلب يشوف..
دا لإنه مخلوق مكفوف..
بس يحس بجد ويشعر وكأنه بعيون بتشوف..
اللى بيسعد عمرى هواك..
بيخلينى ادوب وياك..
وانسى الدنيا..ومش بنساك..
وبحبك..طول ماانت هناك..
علشان عايشه بقلبى معاك

» حسه بتغير معاك..بقلمى(صابر)
» ياخسارة ايامى معاك..بقلمى(صابر)
» قلبى اللى حبك..بقلمى(صابر)
» وجعت قلبى..بقلمى(صابر)
» سيبى قلبى..بقلمى(صابر)