حبك تعود..بقلمى(صابر)

موضوع: حبك تعود..بقلمى(صابر) 31/08/12, 06:55 am

حبك تعود

حبك تعود.. مش مشاعر واشتياق..
مش يموت.. ف العذاب او ف الفراق..
حب عادى..
يعنى لما تكون قصادى..
مش بلهفه او رجاء..
انت متعود عليا..
مش غرام ولا عشق فيا..
اصلنا عشره وقدام..
فيه تفاهم..
فيه كلام..
اللى عندك ده تعود..
مش مشاعر.. او غرام..
والدليل تبعد وتقدر..
حتى لو هجر وخصام..
لو حاببنى كنت تعرف..
غياب ثوانى يكون حرام..
حبك تجينى تلاقينى..
وانا حبى لك روحى وعينى..
بعدك عليا يبكينى..
وفرحتى لما تجينى..
انت سعادتك متعود..
تغيب يومين ولا تزود..
ولما تشتاق بتحود..
وانا سعادتى مابين صدرك..
مقدرشى ابعد عن حضنك..
لو ثانيتين حرمان منك..
اهو ده العذاب اللى يموت..
انا حبى لك هز كيانى..
ورعب انك تنسانى..
بيدوبنى.. والدنيا فضا..
لكن انت حبك تلقانى..
مستنياك جوه مكانى..
متعودنى..تلاقينى كده..
متعود انك تسمعنى.. وحشك صوتى..
متعود انك تحتاجلى.. لو بسكوتى..
ليه لو بعدت عليك يعنى تنسى وجودى..
حبك تعود ع الالفه..
حب امتلاك مش شوق عاطفه..
مش زى حبى ف مجرى الدم..
فرحو نعيم وجراحو الهم..
مش حب زى جذور الارض..
ثابت وساكن تحت الجلد..
هواك ياعمرى عشره وتعود..
مش زى حبى احساس يموت..
حبك تعود

» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)