ياولاد بلدنا الطيبين..بقلمى(صابر)

لما القلم.. يبكى بألم..

ياولاد بلدنا الطيبين..

لما الجراح.. تنزف سداح..

والقلب يشكى بالآنين ..

واخ واقف ع الشمال..والتانى واقف ع اليمين..

حتى الصحاب جوه الميدان..

زى التيران متغميين..

واللى جاى بقسوه يضرب..

معرفش جاى يضرب فى مين..

دا كل واحد مننا.. مكتوبله مصرى ع الجبين..

لما حينزف دمنا.. نفس الفصيله ونفس الدين..

نفس البلدى امنا ..وكلنا من نفس الطين..

وفوق سمانا ربنا.. وكلنا بيه موحدين..

ليه بس يرخص دمنا.. ونبقى ليه متفرقين..

ياريت نحكم عقلنا..ونشوف وصلنا لحد فين..

الموجودين دول اهلنا.. مهما اختلفنا قريبين..

عملنا ثوره وحقنا.. نحفظ حقوقنا اجمعين..

لازم نوحد صفنا.. بقينا ليه متقسمين..

ندى بلدنا حبنا ..ضرورى تتلم الايدين..

الثوره عايزه كل حر.. مفيهاش مكان للكدابين..

مفيهاش مكان لقلب مر.. مفيهاش مكان للطماعين..

كتر الالم..زاد الندم..ياولاد بلدنا الطيبين..

مع الاسف..جف القلم..كلنا..رايحين لفين

» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)