اعرف نفسك من الوانك

موضوع: اعرف نفسك من الوانك 20/02/09, 08:29 pm

اعرف نفسك من ألوانك المحببه

اعرف نفسك من الوانك 20090219200126_MiscellaneousPhoto2

نعشق أغنية "الحياة بقى لونها بمبى" دون أن نفكر فى معنى الأغنية.. هل الحياة أصلا لها لون؟؟ ولكننا شعرنا بكل الحب والرومانسية التى تقصدها سعاد حسنى بالأغنية واعتبرنا "الحياة بقى لونها بمبى" جملة غنائية جميلة وجديدة لصلاح جاهين.

لكن بعد كل السنين دى من إذاعة الأغنية أثبتت الدراسات العلمية أن كل حاجة فى الدنيا لها لون وأن كل لون له معنى ودلالة، واجتمع علماء الألوان على أن اللون البمبى هو اللون الأكثر رومانسية، وأنه معبر عن الحب ومحفز قوى للمشاعر.

وألوان الملابس لها تأثير كبير جدا على الحالة النفسية، يعنى لو حاسس بالإجهاد أو ضغطك واطى أو فاقد الثقة فى نفسك وعايز تحس بالطاقة والحيوية والثقة بالنفس والشجاعة ارتدى ملابس حمراء اللون، فاللون الأحمر يزيد من سرعة ضربات القلب والتنفس وارتفاع ضغط الدم وينشط الدورة الدموية، كما أنه يساعد عند الإصابة بأمراض الضعف الجنسى وضعف الإخصاب.
لكن لو عندك الرغبة فى الاسترخاء أو حاسس بالغضب أو الانفعال، فأنصحك بألا ترتديه فيمكن أن يزيد من انفعالك ونشاطك.
بالإضافة إلى أن اللون الأحمر هو لون الحب يعنى لوعايز تقول لحد "بحبك" يمكن أن تتحمل ملابسك الحمراء هذه المسئولية.

أما لو عايز تحس بالسعادة والإبداع فارتدى ملابس صفراء اللون فهو لون التفاؤل والسعادة ورمز للذكاء، كما أنه ينشط تركيز المخ والجهاز الهضمى والأعصاب.. يعنى لو محتاج تفكر فى قرار مهم أو عندك عسر هضم أو ضعف ذاكرة لا تتردد فى ارتداء الأصفر، كما أنه يخلص الجسم من السموم والشوائب. لكن لو بتعانى من الأرق أو الانفعال فابتعد عنه.

ولو عايز تحس بالهدوء والسلام النفسى والاسترخاء، فطبعا مفيش غير اللون الأخضر فهو لون الطبيعة، ويمكن أن يحسن الرؤية ويسبب الشعور بالأمان.
ولذلك يستخدم فى معالجة الحالات العصبية وتعب الأعصاب والقلق واختلال التوازن العاطفى والنفسى وتخفيف الضغط.

لكن لو عندك شغل ابتعد تماما عن الملابس الخضراء، فهى لا تساعد على بذل المجهود الذهنى أو الجسدى.

أما بقى لو عندك مقابلة توظيف على طول البس ملابس زرقاء، لأنها رمز للولاء ولو عندك إجازة فى مكان هادىء أو درجة الحرارة مرتفعة ارتديه أيضا، فسوف يساعدك على الاستجمام، فاللون الأزرق يخفض من ضغط الدم ويبطىء من معدل ضربات القلب والتفس ويفقد الشهية ويخفض درجة حرارة الجسم درجتين.

وطبعا لو عروسة لازم تلبسى فستانا أبيض فهو هو لون البراءة والنقاء.

ولو عندك سهرة وعايز تبقى شيك فالأسود أفضل لون هيساعدك على كده فهو لون السلطة والنفوذ.

وبما أن الموضة دائما تعتمد على الإحساس بالفخامة، فلازم يبقى اللون البنفسجى على قائمة الموضة، فهو لون الملوك ويدل على الثروة والفخامة، ولكنه لون خاص بالأنثى أكثر على عكس اللون البنى الخاص بالرجال، لكن تجنبى النظر إليه كثيرا، لأنه يساعد على الحزن.

ولو عايز تحس بأكثر من شعور فعليك بمزج الألوان فى ملابسك وتنسيقها بالشكل الذى يعطيك الإحساس الذى ترغبه، ولو حسيت بأنك نفسك تلبس لون بعينه ده معناه أن جسمك محتاج اللون ده.

موضوع: رد: اعرف نفسك من الوانك 20/02/09, 11:26 pm

موضوع جميل يا صابر تسلم الايادى وموضوعات منتقاه بعناية فائقة ومتنوعة تنوع رائع
دمت متميزا

موضوع: رد: اعرف نفسك من الوانك 21/02/09, 02:39 pm

الموضوع حلوة اوى
تسلم ايدك
والتميز مش جديد عليك
يا رب دايما

موضوع: رد: اعرف نفسك من الوانك 21/02/09, 04:08 pm

ماقلتيش الوانك ايه يااستاذه شكرا على مرورك

موضوع: رد: اعرف نفسك من الوانك 21/02/09, 04:09 pm

نورتى ياعصفوره تسلمى

موضوع: رد: اعرف نفسك من الوانك 21/02/09, 04:14 pm

انا يا سيدى بحب كل درجات الوردى من اول افتح درجة لحد الفوشيا الغامق
لانه بيليق على لون بشرتى جدا
والابيض على جينز طول الصيف تقريبا
والازرق الملكى
والاحمر و الأسود

موضوع: رد: اعرف نفسك من الوانك 21/02/09, 04:17 pm

ايه ده كرنفال يااستاذه منوره دايما

» اعرف نفسك لو مغرور
» اعرف نفسك من شخابيطك
» اعرف نفسك من اول حرف باسمك
» ....اعرف....
» اعرف شخصيتك من الحيوان