جربت تكتب بالدموع

جربت تكتب بالدموع.
.تسحبها من بين الضلوع.
.وكل كلمه تحطها.
.تنشف قوام ترجعلها.
.تعيدها مره ومرتين.
.يعنى القلم يفضل حزين.
.وتحسها بنفس الانين.
.وانت كاتبها بدمع عين


..فى ناس بتجرح نفسها.
.علشان تنزل دمها.
.تكتب حروف من اسمها.
.برهان لحب بعضها.
.انا دمى جمدته ف عروقى.
.ايام ماكان بيغلى منك
.النهارده قتلت شوقى.
.مش بيجرى بعد منك.
.مابقاش فاضلى غير دموع.
.منها بقيت بشبع واجوع.
.اتسلى بيها ف الليالى.
.سهران وبحلم بالرجوع.
.وبحسها دافيه على خد اتظلم.
.وبحسها نارها بتحرق م الالم.
.وبحبها عشان دى فاضله من العدم

..بطلت اقول بحبك.
.خليها حبيتك.
.خليها فعل ماضى .
.خلاص انا نسيتك.
.بكتب بدموعى حبك.
.ده انا يوم ماحبيتك.
.كنت انت مش راضى.
.تسيبنى من ايدك.
.وصلتنى بقسوتك لدموع طويله.
.مابتنقطعش من عيونى كل ليله.
.اكتب تغرق الحروف.
.سيل ومش عارف اشوف

..ارتحت لما عاندت فيه.
.ثورت لكرامتك من جبروتى.
.ايه يعنى لو تصبر شويه.
.مش كان كفايه تسمع صوتى.
.عاجباك دموعى .
.اتهنى بيها
بس ياريتك تحس بيها.
.وتعرف اللى كتابته دموع.
.قد ايه بيكون موجوع.
.جربت تكتب بالدموع