...جربت...

موضوع: ...جربت... 08/04/09, 03:41 pm

جربت.
.وحاولت
جربت و تعبت.
.كل ليله ابات واصحى ع اللى فيه
الف فكره واللى فيه لسه فيه.
.كل يوم اقول يابكره ارتاح شويه.
.بكره ييجى وكل حاجه هيه هيه.
.كل ماسمع اى حاجه اقول اجرب.
.كل مابتعملى حاجه ادارى واهرب.
.خايفه اواجه بيك مصير يسيبنى وحدى.
.خايفه اقابل يوم ضمير يحكم ببعدى
انا ضعيفه معاك اوى لكن انت راجل
ومش قويه زى ماانت كنت فاكر.
.جربت اواجه قلبى ضعت.
.جربت اتحداك عجزت.
.لما خدت سلاحى حبى قبل ماابدء اتقتلت.
.لما حاولت ابعد واخبى وانتهى منك فشلت.
.لما كل الناس قالولى ابعدى عنه اطرشت.
.لما جيت اصرخ واقولك انت ظالم اتخرست.
.اعمل ايه انا بحبك اكتر كمان م اللى وصفت.
.جربت اشوف اسم تانى للى بينا.
.ملهمتك.
.اختك.
.صديقتك.
. ابقى اى معنى.

.ماعرفتش ابقى غير حبيبتك.
.قلت اكون ذكرى .
.او حتى اكون فكره.
.اى حاجه واشوف معاك بكره.
.جربت ادور فى الاسامى.
.واعرف كمان كل المعانى
يمكن الاقى اسم تانى.
.اعيش بيه جنبك حد تانى
خلاص تعبت
خلاص عرفت.
.خلاص وافقت.
.مافيش قصادى غير طريقتك.
.مااعرفش ابقى غير حبيبتك.

.جربت ورجعت
مااعرفش ابقى الا صدر يشم ريحتك.
.مااعرفش ابقى الا حضن تدوق فيه راحتك.
.مااعرفش ابقى غير حجر يسمع صراحتك.
.ولا اكون غير انتظار..ارجع براحتك
مش ذل منى وانكسار.
.ولا تعود ع المرار.
.ويوم مااحس حياتى نار.
.انا عارفه سكه الانتحار.
.ومش نعيم انى ابقى سبتك.
.الجنه انى اكون حبيبتك

موضوع: رد: ...جربت... 08/04/09, 06:05 pm

مهما وصفت ومهما قولت مش هاوفيك حقك
تسلم الايادى
روعة بجد

موضوع: رد: ...جربت... 09/04/09, 06:41 pm

شكرا على مرورك دريم اسعدتنى طلتك على صفحتى

» جربت تكتب بالدموع
» ماشربتش من نيلها ؟ طب جربت تغنيلها؟