تقريبا خلاص

موضوع: تقريبا خلاص 07/12/09, 01:09 pm

تقريبا خلاص..
معدش ينفع أستغنى عنك..
فات الوقت..
بقيت دلوقت..
حته منك..
تقريبا خلاص..
أنت بقيت ف الدم بتجرى..
لما بفكر أو أقول ح أقدر..
قلبى يقوللى كان من بدرى..
تقريبا خلاص..

لما الروح تتعود..
أى بعاد بيموت..
تقريبا خلاص..

لما القلب بيعشق..
بيدوب قبل مايلحق..
تقريبا خلاص..

انت بقيت أحساس..
وأمان وسط الناس..
خلتنى أحبك..
وأتشوق لقلبك..
وأموت لو مش جنبك..
تقريبا خلاص..

تقريبا كده..
حبيتك كتير..
وأكتر من كده..
بشتاقلك وأغيير..
تقريبا كده..
مليت كل عمرى..
ومش متعوده..
آدى لحد أمرى..
بس بقيت تعرف تاخد كل حاجه..
وبتعرفنى لحبك أمتى بكون محتاجه..
عندك سحر خاص..
ودا كان الاساس..
أتعلق بحبك..
يعنى بقيت بحبك..
وأموت لو مش جنبك..
تقريبا خلاص

موضوع: رد: تقريبا خلاص 07/12/09, 01:30 pm

ياشاعرنا انت تقريبا خلاص بقت كتاباتك ادمان عندى واول حاجة بدور عليها فى المنتدى هى جديدك
بجد بجد بجد
ابدعت وتسلم ايديك ومن تألق لتالق دايما يارب

موضوع: رد: تقريبا خلاص 07/12/09, 03:29 pm

وتقريبا خلاص مش لاقى كلام اشكرك على اطرائك ومجاملاتك الرقيقه بس ده مش جديد عليكى دمتى ولكى كل الشكر

» ..يبقى خلاص
» حبيت خلاص --
» خلاص مابقتش صعبه
» مش قلنا خلاص..بقلمى(صابر)
» ح نكمل ولا خلاص..بقلمى(صابر)