..وجعت قلبى

موضوع: ..وجعت قلبى 18/06/10, 02:55 pm

وجعت قلبى..وبعت حبى..يا أول تجاربى..
كان فين ياربى.. دا مستخبى..قسوة حبايبى..
حبيت وكان نفسى اكون عندك حبيبه..
يادوب يومين سبتنى وحدى غريبه..

أنا جيت أقولك كلمه يمكن مش عارفها..
تبقى الجنه ف ايديك وأنت مش شايفها..
وآما تخسرها وتبعد ..تشكى بختك ليه وتندم..
كان دا حظك منها ضاع ..بس ليه ..الله أعلم..

لو فى يوم ترجع تجدد قصتك..
أوعى تبخل بالحنان على قلب واحده حبتك..
سيب لنفسك فرصه تشبع من عينيها..
لا تبيع وترجع تانى تتجنن عليها..

اللى تعرف تعشقك قسوتها توجع..
بس لو ح تصدقك..ممكن حترجع..
خاف لا قلب زى قلبك يوم يقابلك..
يوجعك..ويطفى نار أغلب حبايبك..

جيت اقولك ياواجعنى ظلمت جامد..
كل احاسيسى ومشاعرى الحلوه ماتت..

جايه صوره بقلب مكسور الف حته..
مش ح اقولك ليه وامتى مانت عارف الكلام ده..

بص لايديك وانت تعرف مين وجعنى..
كل بصمه من صوابعك حافره قلبى..
مش عتاب ولا يوم حساب..
جايه أخد فيك ثواب..
أصل حبى مش عقاب..
ومش ح اخبى..وجعت قلبى

موضوع: رد: ..وجعت قلبى 19/06/10, 02:54 pm

انت اللى وجعت قلوبنا بكلماتك الحزينة يا شاعرنا

موضوع: رد: ..وجعت قلبى 19/06/10, 09:02 pm

الف سلامه على قلوبكم..نورتى المشاركه دريم

» وجعت قلبى..بقلمى(صابر)
» ..أنت قلبى..
» ياحرقه قلبى منك
» انسي يا قلبى
» أنت عارف قلبى حبك قد ايه