وجعت قلبى..بقلمى(صابر)

موضوع: وجعت قلبى..بقلمى(صابر) 03/01/11, 12:11 pm

[size=16]
وجعت قلبى

من يوم ماحبيتك تعبت..
من يوم ماحبيتك كبرت..
خلتنى من احزانى شيبت..
خلتنى علشانك كدبت..
وهربت م الكل وتعبت..
من يوم ماحبيتك غلبت..

انا كنت بتمناك ياحبى..
تسعدنى وتهنيلى قلبى..
اعشقك والقاك بقربى..
ياللى بهواك وجعت قلبى..

وقالولى مش بيهنى حد..
متعب ولا بيعرفش ود..
قاسى وطبعه كله صد..
وانا كنت حبيتك بجد..

وجعت قلبى بالآهات من رقتك اول حياتى معاك..
ووجعت قلبى بالسكات على قسوتك لما بقيت آهواك..
كل حكاياتنا ليها فيه علامه..
مابين حنان او بين عتاب وملامه..
بصبر عليك وجروحى منك ياما..
وجعت قلبى وانت الف سلامه..

تعبتنى وانت الدوا والداء..
وجعت قلبى بين لقا وفراق..
بتكون معايا وبرضه اكون مشتاق..
ازاى ف بعدك ارضى بالاشواق..

وجعت قلبى وبسألك آخرتها إيه..
إمتى حيرتاح من آلامه واللى فيه..
قلبى اللى حبك قوللى ذنبه ايه..
يمكن الاقى معاك سبب توجعنى بيه

[/size]

موضوع: رد: وجعت قلبى..بقلمى(صابر) 03/01/11, 12:16 pm

الله عليك استاذ صابر

بجد بجد جميله جدا
كلها احاسيس ومشاعر
ماشاء الله عليك 000 تسلم الايادى 00 تقبل مرورى المتواضع

» قلبى معاك..بقلمى(صابر)
» سيبى قلبى..بقلمى(صابر)
» قلبى اللى حبك..بقلمى(صابر)
» ..وجعت قلبى
» من بره بس..بقلمى(صابر)