دا كل اللى فاضل منك

موضوع: دا كل اللى فاضل منك 26/10/10, 07:56 am

كل اللى فاضل ليا منك كام جواب..
وورده دبلانه.. وصورتك ف الكتاب..
مع دبله فضه..
وإزازة ريحه فاضيه..
وتاريح فى بالى لأحلى نظره..
وتاريخ تانى لأول مقابله..
ورعشة إيد بتستنى رسالة حب..
وقلب يدق يتمنى شويه قرب..
ومليون لاء مش رايحه..وبرضو أروح..
واكون فى السكه وأنا ودايخه وأموت م الخوف..
ومرعوبه خجل وكسوف..
حد يشوفنى.. اعمل معروف..
عايزه ابكيلك..
بس بجيلك..
ايه اشجع من جبن الخوف..
ايام غصب عنى وعنك..
اجمل عمر فى سنى وسنك..
بعدت بيا وبعدت عنك..
ودا كل اللى فاضل منك...

من غير لقاك..مافيش جديد..
غير هواك..فيه ايه سعيد..
لما سيبنا بعضنا..كل واحد راح بعيد..
واحنا بعد حبنا..بالفراق نتعب اكيد..
أتمنيتك..ولا كان عندى أى شروط..
أنا حبيتك..حب كبير بيجنن موت..
بس لقيتك وسط ظروف تعبان مشدود..
قلت ياريتك..كنت فاضيلى ولا فيش عندك أى حدود..
فكر فيها وان عجبتك الفكره تعود..
نفسى اشوفك ..مره اخيره قبل الموت

» اللى يحبك انت
» اللى يحب حد
» اللى حبك تجرحه
» انا اللى علمتك
» ..اللى انكسر..