اللى حبك تجرحه

موضوع: اللى حبك تجرحه 29/11/10, 09:36 pm

براحتك..روح وانسى وغيب..مش ح اظلمك..
ممكن اعيش من غير حبيب.. ولا اكلمك..
لااشتكى بُعدك لحد..
ولا احب بعدك اى حد..
لانى حبيتك بجد..
وليا طلب..قبل الفراق من غير سبب..
رجعلى قلبى مطرحه..
قبل ماتمشى وتجرحه..
حبك اوى..ريحه..
مش انت بس تروح تعيش..
وتسيب ألآم ماتنتهيش..
واللى حبك تجرحه..
مش غصب تفضل غصب عنك..
مش ح اشحت الحنيه منك..
لمّا حبيت.. كنت من نفسك تدوب..
وانت كاره.. برضه من نفسك تتوب..
مش ح اعاتبك.. ع الآسيه والذنوب..
مش ح احاسبك.. ايه اللى فيا م العيوب..
روح براحتك.. لو نويت عنى تتوب..
بس احلف.. إنى كنت معاك آمين..
كنت مخلص.. وانت بتحب الهروب..
سيب لى قلبى وروح لحالك..
روح لحد يكون فى بالك..
مش ح اقولك فيك ايه مالك..
بس واضح ايه جرالك..
انا ماارضاش كتر التغيير..
ولا انسان يلاوعنى كتير..
اللى اضحى بنفسى عشانه يبقى عليه واحسه كبير..
واللى يسيبلى آساه وهوانه مالهوش عندى ولا تأثير..
واضح..ماتفكرش كتير..
بُعدك مش محتاج تفكير..
جرح تانى بتفتحه..
واللى حبك تجرحه

» دا كل اللى فاضل منك
» اللى يحب حد
» ..اللى انكسر..
» اللى يحبك انت
» أنت اللى أبتديت