الكلام بينا إنتهى

موضوع: الكلام بينا إنتهى 29/10/10, 08:56 pm

الكلام بينّا إنتهى..وقلتّها..
ومن غير جروح..
شوف واحده غيرى..وحبهّا..
ووقتّها سيبها وروح..
يمكن يوافقك طبعها..
يمكن تحب تذلّها..
تقبل عشان بتحبها..
أو حاجه فيك بتشدّها..
لكن أنا..
أنا قصه سيبك منّها..
الكلام بينّا إنتّهى..

آه بحبك..بس بطريقتى ومش طريقتك..
أنانى قلبك..يفضل هاملنى عشان بحبك..
وكنت جنبك..متحمله.. ويرضينى قربك..
لكن غرامك معايا..
مابقاش فى شوق البدايه..
لما وهبتك رضايا..
بقيت بتعشق آسايا..

فى ناس بكتر حبّها..
تخلى ناس تملّها..
أنا كنت ورده قطفتها..
وبقيت بتهرب منّها..
أنا قصه سيبك منّها..
الكلام بينّا إنتهى..

فى ناس تكون بتعزّها..
عمرك ماتشبع منّها..
لكن مالكش نصيب فى الحب ..وتبقى عادى عندها..
وياما غيرهم ناس عايزاك..
تتمنى ثانيه تحس رضاك..
لكن مابيعدوش ع القلب ..ودى عند ربك حلها..
آخرة طريقى معاك اشواك..
ماليش فى بكره نصيب وياك..
يبقى النهارده ومش بعدين..
قبل مايكبر جرح آساك..
وح اقول دا حظى وبختى معاك..
ومش مكتوبلى نصيب ف هواك..
أنا قصه سيبك منّها..
الكلام بينّا إنتهى

» لسه بينا فيه حاجات
» بتدور بينا السنين
» الفرق اللى بينا..بقلمى(صابر)
» ..خلص الكلام..
» الكلام الحلو