بكره تعرف..بقلمى(صابر)

موضوع: بكره تعرف..بقلمى(صابر) 05/01/11, 01:43 pm

بكره تعرف..

ابعت وقوللى إنك خلاص عارف تعيش..
واللى فاضلى مالوش اساس وهم ومافيش..
ولا اى شوق..ولازم افوق..وحبيب ماليش..
ومش غريبه عليك..
تنكر غرامى ليك..
ومش جديد الاقيك..
بايع بكل مافيك..

مادام قدرت خلاص..لا حب ولا إحساس..
بكره تعرف.. ان زيى مافيش..
واللى بعته.. كان ف لحظة طيش..
فين تلاقى روح مابتخبيش..
جنب منك..عايزه بس تعيش..
وقلب باقى بيك يموت ويعيش..

اقدر عليك واخلى قلبى يبيع..
اقدر ادوس على حبنا ويضيع..
وادوّقك طعم الألم بصحيح..
واعرفك إنى بحب صحيح..

ممكن ألوم واصرخ واجرّح ذكرياتك..
واخلى قلبى يفوق ويبعد عن حياتك..
ممكن واقدّر انتهى منك بكلمه..
و يسألونى اقول خلاص ولا عدش قسمه..
وتبقى عندى ماضى راح وفات وكان..
يبقى حبك ذكريات وبتاع زمان..
تختفى من حضن قلبى واخلص منك بالنسيان..

عندى حلول اقدر على حبك واهجر قلبك وانسى واعيش..
ماتفكرش إنى حموت بعدك وابكى واقولك ماتسيبنيش..
بكره حتعرف قلبى المخلص زيه مافيش..
بعته ف لحظه وهان على قلبك ماتخبيش..
تبقى لوحدك وانا من بعدك برضه حعيش

» بكره تيجى..بقلمى(صابر)
» انت آسف..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)
» كل يوم..بقلمى(صابر)