ياريت تكونى ارتحتى ..بقلمى (صابر)

..
ياريت تكونى ارتحتى

حاسس بقلبى بيبكى من جوايا ويتكسر زى الإزاز..
على قصه حلوه كان عايشها معايا..
فجأه وكأنه لا اتخلق ولا عاش..
الالم مابقاش بيوجع غير آهاتى والآنين..
والامل لو ضاع بيفضل جرحه ويعلم سنين..
وانتى كنتى عمر مليان ذكريات..
صعب اعيش بعدك ولا اعرفليش ميلاد..
مش بيرجع حاجه م اللى يقولوا مات..
بس كل حاجه م الحب اللى فات..
جوه روحى وقلبى مش بتغيب ساعات..

وعملت كتير.. وانتى عملتى.. ولافيش فينا حد ملاك..
لو يوم زعلتك.. ياما قولتى.. وحلفتى مش عايشه معاك..
ايام مليانه خصام وشجن وعناد وجروح..
لكن حبك كان دايما ساكن جوه الروح..
كنتى تخلينى اسيبك وامشى تروحى واروح..
لكن ف العين والقلب بشوفك فين مابروح..
علشان كده مابقتش انا لمّا انتهيتى..
كنت بعيش على حبنا وخلاص نسيتى..
ومافيش بديل يملالى عمرى غير وجودك..
قلبى عليل من يوم ماراح حبك وصوتك..
حاسس بقلبى بيبكى..
حاسس بروحى بتشكى ..
ودموع عينيه بتحكى..
ياريت تكونى ارتحتى

» قلب مين..بقلمى(صابر)
» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)