إرجع لقلبى..بقلمى (صابر)

موضوع: إرجع لقلبى..بقلمى (صابر) 18/01/11, 10:44 am

اللى بينّا حبال موده مش خيوط..
وسنين محبه وحب مش ممكن يموت..
إرجع لقلبى وقول بحبك قد عمرى..
لو كنت قلبى وانا قلبك وانت عمرى..
إرجع وماتفرّقش اكتر م اللى فات..
كفايه هجر وبُعد وكفاياك آهات..

تعالى نتفاهم بحب وود وحسن نيه..
ونشوف سوا بالحب ايامنا اللى جايه..
حتكون معايا وايد فى ايد..
ماتكونش ناوى تكون بعيد..
إرجع لقلبى خلى كل الكون سعيد..

ماتهونش عشره غاليه عندى وحب غالى..
ولآ يوم اصدق إن قلبك يبقى خالى..
نزعل ونتخاصم شويه م السكات..
مااصبرش لما تغيب عليه لو ساعات..
استنى جنب الباب اشوفك لما تيجى..
لحظه رجوعك تبقى دى عمرى الحقيقى..

من كتر شوقى إليك لايمكن اقول ح اسيبك..
لو مش حتيجى كمان بفكر آجى اجيبك..
يعنى اللى بينّا اقوى واكبر م البعاد..
وبلاش نسيب بُعد وخصام يمحى اللى فات..
إرجع لقلبى وقول بحبك قد عمرى..
لو كنت قلبى وانا قلبك وانت عمرى

» إرجع خدنى..بقلمى(صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)