إرجع خدنى..بقلمى(صابر)

موضوع: إرجع خدنى..بقلمى(صابر) 27/03/11, 10:47 am

إرجع خدنى..
إرجع حضنى..
زى ماقلبك كان عودنى..
بُعدك عنى.. بيموتنى..
بُعدك اكتر شىء يتعبنى..

انت كتبت عليه حبيبتك فوق ف جبينى..
انت طبعت خلاص بقا صورتك جوه عيونى..
انت نقشت حروف من إسمك ويا سنينى..
وبقيت كلى معاك وبتاعتك وانت شارينى..
مااعرفش احيا واعيش غير جنبك لمّا تجينى..

انت بتلمس قلبى بإيدك وبحس بكفك وصوابعك..
بتسيب فيا بصمة إيدك بتقول إن القلب دا تبعك..
وبحس بتأثيرك فيا..
بقى ف الطبع وبان ف النيه..
مالى كل وجود حواليه..
وحياتى ف بُعدك مش هيه..

حتى إن كنت لوحدى بفكر..
ببقى معاك وحدك مش اكتر..
واقفل اوضتى..
وابقى لوحدى..
وسط الوحده.. بلاقيك عندى..
جوه الصمت وبتكلمنى..
وتضحكنى وتعيطنى..
ببقى لوحدى..وانت ف حضنى..
وبسمع صوتك كله ف ودنى..
واقولك خدنى..
اوعى تفوتنى..
بُعدك عنى بيموتنى..
مانتاش جنبى..
ومقعدنى..اضحك وابكى..
وانت سايبنى..
وبتحيينى..وتدوبنى..
حبك بقا من نفسى واخدنى..
إرجع خدنى..
إرجع حضنى..
زى ماقلبك كان عودنى

» إرجع لقلبى..بقلمى (صابر)
» ليا حق..بقلمى(صابر)
» كل يوم..بقلمى(صابر)
» كان من حقك..بقلمى(صابر)
» انت ده..بقلمى(صابر)