اللى يحب مصر..بقلمى(صابر)

موضوع: اللى يحب مصر..بقلمى(صابر) 04/02/11, 11:58 am

اللى يحب مصر.. يزرع فيها ورده..
ويضلل عليها ويحمى الجمال دا..
اللى يحب مصر.. يعمل منها قصر..
لو بيخاف عليها يبدء م النهارده..
ويطّيب جروحها..
ياولاد دانتوا روحها..
ودموعها وفرحها..
زينة كل عصر..
واللى يحب مصر..يمسك إيد خواته..
بيتهم هوه بيته..والجميع ولادها..
ووجودهم وجودها..
حب ومش كلام..الحب إلتزام..
يعنى تصون وتحمى.. ويعم السلام..
واللى يحب بلده.. يمسح فوق ترابها..
ويطبطب عليها.. مش يكون عذابها..
لو تعبان يسيبها..لشيوخها وشبابها..
واللى يكون حبيبها..يبكى ع اللى صابها..
يبقى إيد ح تبنى..ويا إيد حتحمى..
مش إيدين تخرب.. او تهدم وتفنى..
اللى يحب مصر..ملهوش اى عذر..
دا الوقت اللى يثبت.. إنه ابن مصر..
يزرع فيها ورده..ويفكر ويهدا..
وتقول انت وانت..
ايوه بحب مصر

ايوة بمووووووووووت فى مصر
تسلم الايادى يا استاذ بجد فى وقتها وكلام جوة قلب كل مصرى بيحب مصر بجد

» انت اللى ابتديت..بقلمى(صابر)
» قلبى اللى حبك..بقلمى(صابر)
» الفرق اللى بينا..بقلمى(صابر)
» انتى اللى ابتديتى..بقلمى(صابر)
» هوه دا الحب اللى نتكلم عليه..بقلمى(صابر)