هوه دا الحب اللى نتكلم عليه..بقلمى(صابر)

هوه دا الحب اللى نتكلم عليه..
دا الغرام اللى ضرورى نحس بيه..
والهوى اللى القلوب بتعيش عليه..
هوه دا العشق اللى لازم
كل مصرى يحس بيه..

حب حضنك يابلدنا..
يبقى دافى عشان ولادنا..
حب نختم بيه حياتنا..
حب من اسباب وجودنا..
دا اللى نتكلم عليه..
ورث غالى طلعنا بيه..
علمونا فى بيت ابونا
حب مصر نعيش عليه..

ورثنا مش كان فلوس..
اهلنا مسابوش كنوز..
علمونا نحب ارضك نحمى عرضك
نرفعك فوق الرؤوس..
هوه دا الحب اللى نقبل فيه شريك..
كل مصرى يبقى اخوك له حق فيك..
هوه دا الحب اللى نتكلم عليه..
وكل مصرى يحس بيه

» اللى يحب مصر..بقلمى(صابر)
» انت اللى ابتديت..بقلمى(صابر)
» قلبى اللى حبك..بقلمى(صابر)
» اكدب عليه..بقلمى(صابر)
» انت كدبت عليه..بقلمى (صابر)