قلبى اللى حبك..بقلمى(صابر)

موضوع: قلبى اللى حبك..بقلمى(صابر) 14/12/10, 02:06 pm

قلبى اللى حبك مش انا ولا كان قرارى..
ولا كنتش انت شريك حياتى بأختيارى..
حبة صور لغرام جميل كانت ف بالى..
بسرح وادوّر ف العيون عن حب غالى..
ياما قلت لاء وقلت اه وكان تسالى..
ولاكنش حد بعينه بيشاغل خيالى..
كل البشر كانت صور ومش امانى..
بعيش مافيش ولا حد يستاهل آمالى..
خدعنى قلبى بعد صبرى وانتظارى..
وقع ف حبك بأختياره مش قرارى..
هوه اللى حبك ذنبى ايه انا بس مالى..
هوه اللى يتحمل آسايا وذل حالى..
قلبى اللى حبك متهم قبلك بنارى..
ياما قولت اعاتبك كان كتير عنك يدارى..
قلبى اللى حبك كان سبب حيرتى ومرارى..
وهوه قبلك متهم ف اللى جرالى..
قلبى اللى حبك كان اساس كل انكسارى..
هوه اللى حبك مش انا ولا كان قرارى

» اللى يحب مصر..بقلمى(صابر)
» انت اللى ابتديت..بقلمى(صابر)
» سيبى قلبى..بقلمى(صابر)
» وجعت قلبى..بقلمى(صابر)
» قلبى معاك..بقلمى(صابر)