ادعوا لبلدنا بالسلامه..بقلمى(صابر)

ادعوا لبلدنا بالسلامه ..تشهد لنا يوم القيامه..
كنا بنحافظ عليها..ربنا يرحمنا ياما..
هوه اللى قال آدخلوها آمنين..
وعمروها ونوروها وراعوا فيها كل دين..
ادعوا لبلدنا بالسلامه..
دى مصر فى التاريخ علامه..
بين الامم فوق اعلى هامه..
صلوا لرب العزه يحمى مصرنا..
احنا ترابها وهيه حته مننّا..
واللى خربها حد مش من دمنّا..
مصر الكنانه يعنى جنّة ربنا..
ادعولها تكبر مش تثور..وكل حق له اصول..
وتعبنا ياصحاب العقول..نبنى ومانهدش جسور..
لما الغضب يبقى انتحار..يبقى سبب نهب ودمار..
ورعب يدخل كل دار..دا مش غضب دا يبقى تار..
وناس كتير بتحبنا وبرضه ناس ماتحبناش..
لقوها فرصه ف وسطنا ليه دمنا بيروح بلاش..
حكم ضميرك ياابن مصر..لو انت يعنى ابنها من صلبها..
اللى جرى دا فى اى عصر..لا احنا تتار ولا احنا فرس..
بالعقل ترجع الابتسامه..
والشمس حتزيح الغيامه..
ادعوا لبلدنا بالسلامه..
تشهد لنا يوم القيامه

» ليه انا..بقلمى(صابر)
» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)