شعور غريب..بقلمى (صابر)

موضوع: شعور غريب..بقلمى (صابر) 09/02/11, 09:14 am

جرحى لسه مش عارفله ياناس طبيب..
عينى لسه ع الدموع.. وعلى النحيب..
لمّا بيطّول آسانا..
وفجر بكره كمان يغيب..
كل شىء يبقى كئيب..
كل يوم بيكون رهيب..
واحنا مش عارفين نجيب..
اى بسمه..
وكل كلمه.. بألف معنى..
شعور غريب..
لما حضنك يبقى فاضى..
والامان يابلدنا ماضى..
وابقى خايف م الاعادى..
وابقى خايف بين ولادى..
شعور غريب..
مين عدوك مين حبيب..
كل ليله تبات غريب..
كل صبح تشوف عجيب..
كل ركن وفيه لهيب..
يبقى جد شعور غريب..
وانت مش عارف تميز..
اللى ظالم..و الكويس..
كل ألف.. اختاروا ريس..
وانت مش عارف تميز..
مين معانا ومين غريب..
يبقى جد شعور غريب

» ليه انا..بقلمى(صابر)
» انت ده..بقلمى(صابر)
» كله منك..بقلمى(صابر)
» قلب مين..بقلمى(صابر)
» انت آسف..بقلمى(صابر)