بس مابيرضاش يقول..بقلمى(صابر)

بس مابيرضاش يقول..

انا اغلى عندو من عينيه..
انا عندو عمروا واللى فيه..
انا بسمته
انا ضحكته
انا نور عينيه..
انا كل حاجه ف دنيته
وانا اللى ليه..
انا عندوا اجمل م الجمال..
بيحبنى فوق الخيال..
بغرام يحير العقول..
وحب فاق كل الاصول..
بس مابيرضاش يقول..

انا نبض قلبه ودقته..
انا راحته انا آآآه شكوته..
أنا فرحته..
ومن آسايا دمعته..
ومن هوايا رقته..
لمسة ايديه تسعده..
نظرة عينيه تحيى فيه وتموته..
بيحبنى اكتر مايقدر..
واكبر كمان من نفسه واكتر..
وحبى بالنسباله نور..
وحنان بيملا بيه بحور..
بس مابيرضاش يقول..

بحس إنى تحت جلده..
وشايلنى كلى جوه قلبه..
بحس روحى عايشه جنبه..
وف كل ثانيه بحس حبه..
بيدوب ف عمرى.. وف سنينى هواه..
وبسيبله امرى.. واسيب شئونى معاه..
من كتر عطفه وكتر ماحساه..
دا القلب اللى.. ارتاح وانا وياه..
بيخاف عليا خوف يرد الروح..
ويحس بيا حتى فين مابروح..
وحبه شرحه يطوول..
اكتر من المعقول..
بس مابيرضاش يقول

» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)