اهديك عمرى..بقلمى(صابر)

موضوع: اهديك عمرى..بقلمى(صابر) 25/02/11, 08:45 am

اهديك عمرى الغالى عليا..
اهديك روحى وقلبى هديه..
اهديك نفسى وكل ماليا..
وحياتى وايامى الجايه..

كل عزيز لو حتى عينيه..
جنب حنانك برضه شويه..
وماعنديش اجمل من حبك..
ولا غير قلبك غالى عليه..

كل العالم إيه وانا جنبك..
بحسد نفسى لإنى بحبك..
ياحبيب عمرى..
يامالك امرى وضى عينيه..
اهديك عمرى..

اهديك عمرى اللى انت بديته..
العمر اللى انت جيت حليته..
خلاص بقى غالى عشان هنيته..
من يوم ماعرفتك حبيته..

وخاصمت النوم لو يبعدنى ماشوفش عنيك..
مابقاش غير قربك يسعدنى وافكر فيك..
همسك ف ودانى يدوبنى وانا حاضنه إيديك..
ولا شىء ف الدنيا بيتعبنى غير خوفى عليك..

والعمر بعيد عنك فاضى..
ببقى ولا حاضر ولا ماضى..
ولا تبقى دى هيه حياتى..
ولا اشوفش إلا.. وانت قصادى..

ولا يغلى العمر ومانتاش فيه..
ولا يبقى بتاعى ولا احكى عليه..
من غيرك عمرى مااخفش عليه..
ولا ارضى اعيشه ولا احسب فيه..

بهديك عمرى ياحبيب عمرى..
ياعزيز قلبى وضى عينيه..
يااغلى من ايامى عليه

» انت آسف..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)