وحشنى الشوق إليك..بقلمى(صابر)

واحشنى الشوق لقربك..
واحشنى وجودى جنبك..
دا غير ماوحشنى حبك..
والراحه جوه حضنك..
وإنى اتسّند عليك..
والوذ واتخبى فيك..
وااقرب من عينيك..
واهرب من ضعفى ليك..
واخد إحساسى منك..
برضه اطمّن عليك..
وادفن نفسى ف صدرك..
وحنين قلبى يناديك..

وحشنى الخوف عليا..
من حد يحس بيا..
وإنى اغمض عينيه..
فى أمان حضنك وانام..
وايدين تمسح عليه..
بحنان تحضن إيديه..
ويسيبنى الخوف شويه..
للراحه والسلام..

وحشتنى دنيتك..
وحشتنى محبتك..
ووحشنى الخوف عليا..
من روعة لهفتك..
وبحب اسمع كلامك..
وشوقك واهتمامك..
وإنك هتموت عليا..
ووجودى فرحتك..

انا برتاح تحت عطفك..
بتريحنى عواطفك..
وبحس بقلبى شايفك..
والروح بتحس بيك..
قبل مااشوفك بعينى..
شىء م الإلهام يجينى..
وبلاقى شوق مالينى..
من قبل ماالتقيك..

ياحبيبى وحشنى حبك..
ياحبيبى وحشنى قربك..
وبحلفلك بقلبك..
نفسى اتسّند عليك..

وبحب ادّارى فيك..
مشتاقه اكون ف حضنك..
مشتاقه احس بيك..
وحشتنى الراحه جنبك..
ووحشنى الشوق إليك

» ليا حق..بقلمى(صابر)
» انت آسف..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)
» كل يوم..بقلمى(صابر)