زى البشر..بقلمى(صابر)

موضوع: زى البشر..بقلمى(صابر) 31/03/11, 03:37 pm

زى البشر..

انا مش ملاك ومش حجر..
إحساس وروح زى البشر..
بحتاج شعور مخلص نبيل..
ولسان يقول كلام جميل..
إنسان يكون حساس كتير..
من غير غرور ويكون كبير..
زى البشر بحتاج لدا..
وقلب يوهب كل دا..
يفهم شعورى..
يعرف ميولى..
إحساس ومش الماظ ولولى..
ورقه تخطف روحى منى..
من دقه يعرف إيه شاغلنى..
ويحسنى قبل الكلام ..
والبعد عنه يكون حرام..
إنسان مايخسرنيش قوام..
اعيش معاه قصة غرام..
ويكون سماح مهما حصل..
ماينسانيش زى البشر..

وليه افكر مش موجود..
دا حق قلبى ف الوجود..
يحس عشق يدوب جواه..
وقلب تانى يكون وياه..
وحد يسمع دقاته..
ويعيش معاه كل آهاته..

اجمل شعور ف حياتنا الحب..
كل اللى عايزه بيحتاج قلب..
واتنين حنينهم يتلاقى..
فى البعد شوقهم زى القرب..
من حقى اعيشه مش احلم بيه..
والاقى حب افكر فيه..
انا مش ملاك ومش حجر..
ونفسى اعيش زى البشر

» من بره بس..بقلمى(صابر)
» انت آسف..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)