عملت نفسى نسيت..بقلمى(صابر)

--------------------------------------------------------------------------------

عملت نفسى نسيت

عملت نفسى نسيت وانا طول عمرى فاكر..
تعبت ادارى حبنا مابقتش قادر..
كل اللى فيا بان عليه ومستحيل انساه..
مافيش ثوانى يغيب عليا لا الحنين ولا آه..
عملت نفسى نسيت وحبك.. ف الوريد مجراه..

خايف عليكى م الزمن من بعدى..
وانتى اللى صابره من زمن على بُعدى..
ياحمل قلبك بالحنين وسكوتك..
مع ان بُعدى زى حكم بموتك..
بتمنى اجيلك مره اخر الليل..
امسح دموعك جوه حضن طويل..
عملت نفسى نسيت وبحكى.. حبى للمواويل..

زايد عليا الشوق وزاد حرمانى..
انا اللى جنبك عمرى راح ف ثوانى..
ماعرفش امتى ح اجى اشوفك تانى..
ولحد امتى تصبرى علشانى..

البعد عنك نار بتتحدانى..
والله نفسى مره اشوفك تانى..
بعتب عليكى يادنيا واشتكيك يازمانى..
فرقت بينى وبين عيون وحشانى..

وعملت نفسى نسيت وانا.. اضعف من النسيان..
وكدبت لما هويت وانا.. كنت بدوب حرمان..
دلوقتى بعلن حبنا.. بالشكوى والاحزان..
مش لاقى حضن يضمنا ..غير الفراق يازمان..
وده اللى فاضل مننا.. ذكريات انسان..
عملت نفسى نسيت وانا..نفسى احب كمان