متقولش نسيت..بقلمى(صابر)

موضوع: متقولش نسيت..بقلمى(صابر) 03/05/12, 05:10 pm

متقولش نسيت

متقولش نسيت..بقلمى(صابر) 100zz

متقولشى نسيت مقدرش انسى لو حتى حاولت..
ولا يمكن مره اغدر واقسى ولا يوم فكرت..
انا يخلص عمرى واكون لسه على يوم مابدأت..
مع كل دقيقه بكون عايزه حنانك دلوقت..
لا انساك ولا يمكن ولا افكر لو حتى قدرت..

متقولش نسيت انا مقدرشى..
ومافيش احساس يطاوعنى..
ايه فيا يكون ميحبكشى..
لو قلت انسى يشجعنى..
ايه ع النسيان يطاوعنى..
لو قلت ابعد يسمعنى..
وانا كل مافيا يحبك..
قبل ماابيعك ح يبعنى..
متقولشى نسيت مقدرشى..

ازاى ممكن تبقى حبيبى وتصدق انى انساك..
وانا قلبى مايعرف ف الدنيا غير انه يعيش بهواك..
تتشال ازاى من عمرى..
تتسحب ازاى من روحى..
لو تبعد يخلص عمرى..
من غيرك تطلع روحى..

ومنين القلب اللى يفكر يوم ف النسيان..
دا لا داق الحب ولا بيعرف ايه يعنى حنان..
انساك ازاى وانا بفتكرك بالروح والدم..
وف عز النوم بيكون شكلك اجمل م الحلم..
يمكن بنسى ف روحى ونفسى..
وافتكرك اكتر من نفسى..
متقولش نسيت..ادعيلى ياريت..
افصل بين روحى وبين روحك..
انا نفسى اعيش..لو يوم ماتجيش..
مش اموت من آلمك وجروحك..
فين النسيان..
وانت قصاد عينى ف كل مكان..
متقولش نسيت

» عملت نفسى نسيت..بقلمى(صابر)
» انت آسف..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)